Teri buıymdarynyń ımportynan túsetin salyq 40 paıyzǵa ósti

NUR-SULTAN. QazAqparat – Jartyjyldyqty qorytyndylaǵan Saýda jáne ıntegratsııa mınıstrliginiń Tehnıkalyq retteý jáne metrologııa komıteti elimizde tórt taýar túrine mindetti tańbalaý engizilgenin málim etti, dep habarlaıdy QazAqparat tilshisi.

«Elde tórt taýar toby boıynsha mindetti tańbalaý engizildi. Endi teri, temeki buıymdary, aıaq kıim jáne dári-dármekter tańbalanady.

Teri buıymdaryn tańbalaý nátıjesinde ımporttan túsetin kedendik baj jáne salyq kólemi 40 paıyzǵa ósti. Atap aıtqanda, 372,3 mln-nan 516,2 mln teńgege deıin. Al, osy qyzmet boıynsha ishki salyq túsimderi 430,8 mln teńgeden 648,6 mln-ǵa deıin artty», - dep habarlady komıtettiń baspasóz qyzmetinen.

Buǵan qosa, Saýda mınıstrligine qarasty organ kólikterge SOS batyrmasyn ornatý mindettelmeıtinin habarlady.