Tergeý ızolıatorlaryndaǵy 5 myńnan astam azamat referendýmda daýys beredi

NUR-SULTAN. QazAqparat - Tergeý ızolıatorlarynda otyrǵan 5 myńnan astam azamat referendýmda daýys beredi. Bul týraly QR Іshki ister mınıstrligi Qylmystyq-atqarý júıesi komıtetinen málim etti, dep habarlaıdy QazAqparat.

Málim etilgendeı, «Qazaqstan Respýblıkasyndaǵy saılaý týraly» Konstıtýtsııalyq zańǵa sáıkes tergeý ızolıatorlarynda ustalatyn úkimi zańdy kúshine enbegen azamattar belsendi saılaý quqyǵyna ıe.

Máselen, 16 tergeý ızolıatorynda olardyń ornalasqan jeri boıynsha jabyq ýchaskeler qurylǵan.

«Saılaý protsesi ótip jatqan úı-jaılarda tıisti baqylaý, kúzet jáne qadaǵalaý qamtamasyz etildi.

Konstıtýtsııaǵa engiziletin túzetýler úshin daýys berýge respýblıkanyń tergeý ızolıatorlaryndaǵy 5 myńnan astam azamat qatysa alady», - dedi vedomstvodan.

Tergeý oqshaýlaǵyshynda ornalasqan azamattar Konstıtýtsııaǵa engiziletin ózgerister men túzetýler týraly aldyn ala habardar etilgen.