Tergeý ızolıatorlarynda kezdeısoq qamalǵan adamdar joq – Bas prokýratýra

NUR-SULTAN. QazAqparat – Tergeý ızolıatorlarynda kezdeısoq qamalǵan adamdar joq. Bul týraly QR Bas prokýratýrasy Arnaıy prokýrorlar qyzmetiniń bastyǵy Rızabek Ojarov aıtty, dep habarlaıdy QazAqparat tilshisi.

«Arnaıy prokýrorlar 76 kúdiktini tergeý ızolıatorlarynan bosatty. Qamaýǵa alý eshqaıda ketpeý týraly qolhatqa, úıqamaqqa jáne jeke kepildikke aýystyryldy. Olardyń arasynda eki áıel men kámeletke tolmaǵan 9 jasóspirim bolǵan. Tergeý ızolıatorlarynda kezdeısoq qamalǵan adamdar joq ekenin jaýapkershilikpen málimdeımiz. Qamaýǵa tek aýyr jáne asa aýyr qylmystar jasaǵany týraly naqty aıǵaqtar bar adamdar ǵana alyndy. Biz keltirip otyrǵan sandyq málimetter – olar tek arnaıy prokýrorlardyń tergeýindegi ister boıynsha ekenin atap ótkim keledi», - dedi Rızabek Ojarov Ortalyq kommýnıkatsııalar qyzmetindegi brıfıng barysynda.