Tergeý amaldary «Astana LRT» qurylysyna kedergi keltirmeıdi - agenttik

NUR-SULTAN. QazAqparat - QR Sybaılas jemqorlyqqa qarsy is-qımyl agenttigi «Astana LRT» isine qatysty tergeý amaldary nysannyń qurylysyna kedergi keltirmeıtinin málim etti, dep habarlaıdy QazAqparat tilshisi.

«Tergeý «Astana LRT» qurylysyna kedergi keltirmeıdi. Onyń ústine biz qurylys nysandarynyń sońǵy alys-berisin aıaqtap qaldyq», - dedi QR Sybaılas jemqorlyqqa qarsy is-qımyl agenttigi ekinshi departamentiniń basshysy Sergeı Perov.

Departament basshysy sonymen birge tergeý amaldary LRT basshylyǵynyń ótinimi boıynsha júrgizilip jatqanyn atap ótti.

«Tekserý barysynda jymqyrý faktileri anyqtaldy. Sol sebepti, tergeý jalǵasýda. Memleket basshysynyń tapsyrmasy boıynsha, is erekshe baqylaýǵa alyndy. Tergeý amaldary ótken jyly bastalǵan. Áý basta is 2018 jyldyń qańtarynda qozǵalǵan», - dedi Sergeı Perov.

Eske salsaq, Prezıdent LRT qurylysyn jedeldetýdi jáne oǵan qatysty isti tergeýdi tapsyrdy.

Buǵan deıin LRT-nyń qurylysy ýaqytsha toqtatylǵany týraly habarlaǵan bolatynbyz. Oǵan qatysty Úkimet basshysy Asqar Mamın pikir bildirdi.