«Terezeden jaryq túspeıdi»: Jańaózen turǵyndary úıine japsarlas salynǵan ǵımarattan zardap shegip otyr

<p>AQTAÝ. KAZINFORM - Jańaózende &laquo;Samal&raquo; shaǵyn aýdanyndaǵy 21-úıdiń janyna japsarlas 21 A turǵyn úıi salynǵan. 21-úıdiń turǵyndarynyń aıtýynsha, eki úıdiń arasy &ndash; 90 santımetr. Sonyń kesininen, úshinshi qabatqa deıingi páterlerge múldem jaryq túspeıdi.</p>

Turǵyndar sotqa aryzdanǵan. Soǵan sáıkes Jańaózen qalalyq sotynyń sýdıasy quzyrly memlekettik organ ókilderimen turǵyndardy jınap, kezdesý ótkizdi.

Turǵyndardyń sózinshe, qurylys mekemesiniń ókilderi áý basta úılerdiń arasy 3 metr bolatynyn aıtqan. Alaıda bir-birine taqap salyp tastapty. 

Foto: Turǵyndardan

«Úılerimizdiń ishi qarańǵy, kún sáýlesi túspeıdi. 3 metr qylamyz dep aldap ketti. Endi qaıda barsań, onda bar dep otyr», - deıdi «Samal» shaǵyn aýdany 21 - úıdiń turǵyny Sembi Kólbaev.

Jańaózen qalalyq sotynyń sýdıasy Násip Dárǵulovanyń pikirinshe, qurylysqa qatysty zań buzýshylyqtar bar. 

Foto: Turǵyndardan

«Men bul salanyń mamany emespin. Sol úshin mamandardy qatystyryp otyrmyn. Biraq meniń oıymsha, bul jerde zańbuzýshylyq bar. Qazir kóńilge túıgenimizdi sot otyrysynda qaraıtyn bolamyz», - dedi sýdıa.

Jańadan boı kótergen 21 A turǵyn úıdiń ornynda buryn avtoturaq bolǵan. Qurylys mekemesi shaǵyn aýmaqqa birden 3 turǵyn úı salyp tastaǵan.