Terens Kroýford jartylaı orta salmaqta alǵashqy absolıýtti chempıon atandy

ASTANA. QazAqparat - 30 shildege qaraǵan túni Las-Vegasta (AQSh) boks keshi ótti. Onyń basty oqıǵasy amerıkalyqtar Errol Spens pen Terens Kroýford arasyndaǵy jartylaı orta salmaqtaǵy absolıýtti álem chempıony ataǵy úshin jekpe-jek boldy, dep habarlaıdy QazAqparat tilshisi Shredınger sporty Telegram-arnasyna silteme jasap.

Terens Kroýford (40-0, 31 KO) jeńilip kórmegen ózge amerıkalyq boksshy Errol Spensti (28-1) jeńdi. Spens bul jekpe-jekte mansabynda alǵash ret nokdaýnǵa tústi.

E. Spens kezdesý barysynda nokdaýnǵa jalpy úsh ret tústi – ekinshi jáne jetinshi raýndtarda. Jekpe-jek toǵyzynshy raýndta toqtatyldy.

35 jastaǵy Kroýford bul kúni WBO ataǵyn qorǵady. Ol óz mansabynda úsh salmaq tıtýldaryn jeńip alǵan bolatyn.

33 jastaǵy Spens osy jekpe-jekke deıin WBC, WBA jáne IBF beldikterine ıe boldy. Ol búkil mansabyn jartylaı orta salmaqta ótkizdi. Alǵash ret 2017 jyly álem chempıony atandy.