Teraktige jaýaptylar óz áreketi úshin jazalanady - Iran prezıdenti

<p>Iranda beısenbi kúni lańkestik áreket qurbandaryn aza tutý kúni jarııalandy, olardyń sany qazirdiń ózinde 100 adamnan asty. Iran prezıdenti Ibragım Raısı qylmyskerlerdi jaýapqa tartýǵa shaqyrdy, dep habarlaıdy <a href="https://www.inform.kz/" target="_blank" rel="noopener">Kazinform</a> <a href="https://ru.irna.ir/news/85343019/%D0%9F%D1%80%D0%B0%D0%B2%D0%B8%D1%82%D0%B5%D0%BB%D1%8C%D1%81%D1%82%D0%B2%D0%BE-%D0%BE%D0%B1%D1%8A%D1%8F%D0%B2%D0%B8%D0%BB%D0%BE-%D0%B7%D0%B0%D0%B2%D1%82%D1%80%D0%B0-%D0%B4%D0%BD%D0%B5%D0%BC-%D0%BE%D0%B1%D1%89%D0%B5%D0%B3%D0%BE-%D1%82%D1%80%D0%B0%D1%83%D1%80%D0%B0-%D0%B2%D0%BE-%D0%B2%D1%81%D0%B5%D0%B9-%D1%81%D1%82%D1%80%D0%B0%D0%BD%D0%B5" target="_blank" rel="noopener">IRNA </a>agenttigine silteme jasap.</p>

Ibrahım Raısı Kermandaǵy 103 adam qaza tapqan jarylystarǵa jaýaptylardyń barlyǵy jazasyn alatynyn aıtty. Іshki ister mınıstri Ahmad Vahıdı de jaýaptylardy qatań jazaǵa tartýǵa ýáde berdi.

«Anyǵy sol, osy qylmysqa kináliler jaqyn arada ustalyp, lańkester jantúrshigerlik áreketi úshin jazalanady», - dedi Raısı.

Birikken Ulttar Uıymynyń Bas hatshysy Antonıý Gýterrısh Iran Kermanyndaǵy shabýyldy qatań aıyptap, kinálilerdi jaýapqa tartýǵa shaqyrdy. Eýropalyq Odaq ta Iran halqyna kóńil aıtty.

Iran úkimeti 4 qańtardy búkil elde qaraly kún dep jarııalady.

Eske salaıyq, Kerman qalasynda Qasem Súleımanı jerlengen zıratqa aparatyn joldardyń birinde eki jarylys boldy. Zardap shekkender sany 103 adamǵa jetti, 170 azamat jaraqat aldy.

Buǵan deıin Ibragım Raısı Ankaraǵa 4 qańtarda baratyny habarlanǵan bolatyn. Olar Túrkııa-Iran joǵary deńgeıdegi yntymaqtastyq keńesiniń segizinshi otyrysyn ashpas buryn Túrkııa prezıdenti Rejep Taıyp Erdoǵanmen jeke kelissózder júrgizedi.