«Teńizshevroıl» men Karabatan-ǵa 10,7 mlrd teńge aıyppul salyndy

<p>Atyraý oblysynda eki iri munaı kompanııasy ekologııa zańnamasyn buzǵany úshin jalpy somasy 10,7 mlrd teńgege jaýapqa tartyldy. <a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://www.gov.kz/memleket/entities/prokuratura-atyrau/press/news/details/673872?lang=kk" target="_blank" rel="noopener">óńir prokýratýrasyna</a>&nbsp;silteme jasap habarlaıdy.</p>

«Atyraý oblysynyń prokýratýrasy tabıǵatty paıdalaný sýbektileriniń ekologııalyq zańnama talaptarynyń saqtalýyna taldaý júrgizdi.

​Taldaý sheńberinde parnıktik gazdar kvotasynan asyp ketý, emıssııany ekologııalyq ruqsatsyz júzege asyrý, sondaı-aq ruqsat etilgen shyǵaryndylar normalarynan asyp ketý jáne jerdiń lastaný faktileri anyqtaldy.

​Engizilgen prokýrorlyq qadaǵalaý aktileriniń nátıjecimen «Karabatan Utility Solutions» JShS jáne «Teńizshevroıl» JShS ákimshilik jaýapkershilikke tartyldy», - delingen Atyraý oblysynyń prokýratýrasy usynǵan baspasóz baıanynda.

​Osylaısha, atalǵan qos kompanııany sot kináli dep tanyp, olardan aıyppul túrinde 10,7 mlrd teńge óndirilip alyndy.

Eske salaıyq, «Saǵyz» polıgonynda 13 108 tonna munaı qaldyqtaryn ekologııalyq ruqsatsyz jınaqtaǵan «Oxygenator» JShS-ǵa 37 mlrd teńge aıyppul salynǵany týraly keshe ǵana habarlaǵan bolatynbyz.