Teńizdegi zaýyttyń qurylysy barysynda 36,5 myń adam halyqaralyq standarttar boıynsha oqýdan ótti

<p>Qazaqstannyń astanasynda &laquo;Ózgeris dáýirindegi eńbek naryǵy: syn-qaterler, ınnovatsııalar jáne perspektıvalar&raquo; taqyrybynda halyqaralyq konferentsııa ótýde, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Іs-sharaǵa QR Premer-Mınıstriniń orynbasary Tamara Dúısenova, Eńbek jáne halyqty áleýmettik qorǵaý mınıstri Svetlana Jaqypova, Qazaqstannyń memlekettik organdarynyń, «Atameken» UKP-nyń, Qazaqstan kásipodaqtar federatsııasynyń ókilderi, sondaı-aq otandyq iri kásiporyndar, onyń ishinde eń iri salyq tóleýshisi ​​– «Teńizshevroıl» JShS (TShO) qatysty.

Keleshek keńeıý jobasy – Uńǵy erneýindegi qysymdy basqarý jobasynyń (KKJ-UEQBJ) bóligiǵ Úshinshi býyn zaýytynyń qurylys jumystarynyń sharyqtaý kezeńinde shamamen 90 000 qazaqstandyq jumysshy eńbek etti. Onyń ishinde 36 500-den astam qyzmetker oqýdan ótip, qazaqstandyq jáne halyqaralyq standarttar boıynsha sertıfıkattarǵa ıe boldy. Jańa zaýytta jumysty aıaqtaǵan mamandar óz bilimi men tájirıbesin Qazaqstandaǵy jáne sheteldegi basqa jobalarda sátti qoldanýda.

"Degenmen, Eńbek mınıstrliginde bul sharalar jetkiliksiz dep esepteıdi: «Aldaǵy 5 jylda turaqty jumys kúshi úshin jyl saıyn 100 myńǵa jýyq jańa jumys orny qajet bolady. Sonymen qatar, jumys oryndaryn qurý qarqyny ósip kele jatqan halyqtyń suranysyn jetkilikti túrde qanaǵattandyrmaıdy», – dedi Svetlana Jaqypova.

Qazaqstan Respýblıkasynyń Eńbek jáne halyqty áleýmettik qorǵaý mınıstri Svetlana Jaqypova óz sózinde usynylǵan ekonomıkalyq yntalandyrý sharalaryn iske asyrý nátıjesinde kelesi nátıjelerge qol jetkizý kútiletinin atap ótti: sapaly jumys oryndarynyń sany 2,1 mln-nan nemese 2023 jyly jumyspen qamtýdyń jalpy qurylymyndaǵy barlyq jumys oryndarynyń 32%-nan 3,6 mln-ǵa nemese 2030 jylǵa qaraı 45%-ǵa deıin. Sapaly jumys oryndarynyń ortasha jyldyq ósý qarqyny 8%-dy qurap, 1,5 mıllıon adam tabysyn ortasha jalaqydan joǵary kóteredi.

S&P Global halyqaralyq saraptamalyq agenttiginiń zertteýine sáıkes, Qazaqstandaǵy Teńiz ken ornyn ıgerý TShO-daǵy árbir jumys ornyna el ekonomıkasynda qosymsha 41 jumys ornyn ashýǵa múmkindik beredi.

Sondaı-aq «Teńizshevroıl» JShS bas dırektorynyń orynbasary Kóńilqosh Súıesinov: «2018 jyldan bastap KKJ-UEQBJ Qabiletterdi damytý jáne kásibı-tehnıkalyq mamandyqtarǵa oqytý toby (Craft Training) «APEK Trenıng ortalyǵyn» NCCER (National center for construction education and research) halyqaralyq akkredıtatsııasyn alý úshin daıyndyq júrgizdi. 2021 jyldan bastap KKJ-UEQBJ-da 3000-ǵa jýyq joba qyzmetkeriniń tıimdi top/dala toby (brıgada) jetekshisiniń daǵdylaryn damytatyn «Topty basqarýdyń negizderi» (CREW Leadership) kýrsy ashyldy».

Búgingi tańda TShO-nyń negizgi qyzmetindegi qazaqstandyq jumysshylardyń úlesi 1993 jylǵy 50%-ben salystyrǵanda 95%-ǵa ósti. Sonymen qatar, 1993 jyldan beri Qazaqstan Respýblıkasyna tikeleı qarjylyq tólemder búgingi kúnge deıin 186 mıllıard AQSh dollaryn qurady, onyń ishine qazaqstandyq jetkizýshilerden 45,6 mıllıard AQSh dollaryn quraıtyn taýarlar men qyzmetterdi satyp alý kiredi.