Teńiz ken ornynda munaı tógildi

<p>12 qarashada munaı rezervýarlar parki men TShO kompanııasyna tıesili KTJ (keshendi tehnologııalyq jeli) gaz óńdeý zaýyty arasyndaǵy jerasty jelisinde munaı aǵyp jatqany baıqalǵan. Tógilgen munaı kólemi &ndash; shamamen 50 tekshe metr.</p>

Kazinform bul týraly «Aq Jaıyq» basylymyna silteme jasap habarlaıdy.

«Teńizshevroıl» kompanııasy aqparatty rastady.

— 12 qarashada Teńiz ken ornynda munaı aǵyp jatqany anyqtalyp, Teńizshevroıldyń (TShO) apat brıgadasy ony toqtatý úshin dereý is-áreketke kóshti. Qazirgi ýaqytta Qazaqstan Respýblıkasynyń normalary men qaýipsizdik sharttaryna saı keleńsizdikti joıý amaldary iske asyrylyp jatyr. Tıisti organdardyń bárine eskertildi. TShO kompanııasy óndiristik qyzmetin qalypty rejımde jalǵastyryp jatyr, - dep jaýap berdi kompanııanyń baspasóz qyzmeti.

Osy jaǵdaıǵa baılanysty Atyraý oblystyq ekologııa departamentinen aqparat ala almadyq.