«Tentek jáne Aııa»: ShQO TJD mamandary mýltfılm shyǵardy
ShQO TJ departamentiniń qyzmetkerleri balalarǵa jazǵy demalysty qaýipsiz ótkizý úshin qandaı saqtyq sharalaryn qaperde ustaý qajettigin túsindiretin «Tentek jáne Aııa» mýltfılmin shyǵardy. Bul, qutqarýshylardyń anımatsııalaýdaǵy alǵashqy tájirıbesi emes.
«Osyǵan deıin ermeksazdan jasalǵan Tıshka esimdi qonjyqtyń oqıǵalary týraly mýltfılm shyǵarylǵan edi. Onda sirińkemen oınaýdyń qaýiptiligi, jer silkinisi men sý aıdyndaryndaǵy minez-qulyq erejeleri týraly aıtylǵan bolatyn. Bıyl anımatsııalyq mýltfılm jasaýǵa bel baıladyq», - deıdi vedomstvo mamandary.
Tańdalǵan taqyryp óte ózekti: kúnniń jylynýymen táýligine 20-ǵa jýyq órt oqıǵasy tirkelýde. Bunyń sebebi kóbinese – balalardyń otpen oınaýy.
«Balalardyń mýltfılmderdi qalaı jaqsy kóretini belgili. Sondyqtan olarǵa órttiń qaýiptiligin túsindirý úshin osyndaı oqytý ádisin qoldanýdy jón kórdik. Mýltfılm birinshi kezekte búldirshinderge arnalǵan», - delingen habarlamada.
Avtorlar keıipkerlerdi balalarǵa túsinikti tilde sóıletýge tyrysty. Mýltfılmdi ShQO TJD resmı saıtynan, YouTube jáne Instagram-paraqshalarynan kórýge bolady.