Tennısten Polshamen ótetin matchqa qatysatyn Qazaqstan quramasy anyqtaldy

ASTANA. QazAqparat - Komandalyq álem chempıonatynyń irikteý kezeńinde Polshamen ótetin matchqa qatysatyn Qazaqstan quramasy anyqtaldy, dep habarlaıdy QazAqparat tilshisi.

Qazaqstan tennıs federatsııasyna málim etkenindeı, ıAroslava Shvedova bastaǵan bapkerler shtaby álemniń 10-raketkasy Elena Rybakına bastaǵan oıynshylardy tańdap aldy.

Qazaqstan namysyn sondaı-aq álemniń 42-raketkasy ıÝlııa Pýtıntseva, juptyq synda reıtıngte 25-orynda turǵan Anna Danılına, Gózal Aınıtdınova (jekeleı syn, WTA, 333-raketka), Janel Rústemova (juptyq syn, WTA, 973) qorǵaıdy. Qosymsha oıynshy - Arýjan Saǵyndyqova (jekeleı syn, WTA, 968).

Básekeler 14-15 sáýirde Astanada Ulttyq tennıs ortalyǵynda arnaıy jasalǵan topyraq tósenishinde ótedi.

Eske sala keteıik, budan buryn Elena Rybakınanyń Indıan-Ýells masters týrnıriniń shırek fınalyna shyqqanyn jazǵan bolatynbyz.

Sondaı-aq Aleksandr Býblık AQSh-taǵy jarysty jeńispen bastady.