Tennısten Madrıd týrnıri: Mıhaıl Kýkýshkın ekinshi aınalymǵa shyqty

<p>MADRID. KAZINFORM &mdash; Qazaqstandyq, álemniń 143-raketkasy Mıhaıl Kýkýshkın Madrıd (Ispanııa) chellendjer týrnıriniń ekinshi aınalymyna shyqty.</p>

Jarystyń 8-raketkasy bolyp tirkelgen M.Kýkýshkın bastapqy kezdesýin dúnıejúzilik reıtıngide 134-orynda turǵan amerıkalyq Nıkolas Moreno De Alboranmen sátti ótkizdi.

Birinshi partııada amerıkalyq sportshy eki, qazaqstandyq tennısshi úsh breık jasap, set Kýkýshkınniń esebine jazyldy - 6:4. 

Ekinshisinde esep 2:2 bolǵan mezette Mıhaıl breıkke qol jetkizip, aqyry sol basymdylyǵynan aıyrylǵan joq – 6:4.

Saǵat jarymnan astam ýaqytqa sozylǵan báseke barysynda Kýkýshkın 2 eıspen birge 12 breık-poınttyń tórteýin paıdalandy. Alboran 4 eıs, 2 breıkpen (9 breık-poınt) kózge tústi.

Mıhaıl Kýkýshkın shırek fınalǵa ótý úshin álemniń 182-raketkasy, germanııalyq Rýdolf Molleker nemese reıtıngide 229-satydaǵy domınıkandyq Nık Hardttyń qaı jeńgenimen talasady.

Taǵy bir qazaqstandyq, álemniń 186-raketkasy Denıs Evseev alǵashqy aınalymda reıtıngide 124-oryndaǵy aýstrııalyq ıÝrıı Rodıonovtan óte almady – 3:6, 6:2, 4:6.

Eske sala keteıik, budan buryn Aleksandr Nedovesovtiń álemdik reıtıngide rekordtyq nátıjege qol jetkizgenin jazǵan bolatynbyz.

Sondaı-aq qazaqstandyq jas tennısshi Albanııada ótken jarysta absolıýtti jeńimpaz atandy.