Tennısten Qazaqstan jasóspirimder quramasy álem chempıonatynyń irikteýine qatysyp jatyr

<p>ASTANA. KAZINFORM — Kýchıngte (Malaızııa) World Junior Tennis Competition 14&amp; under Azııa — Tynyq muhıt aımaǵy boıynsha irikteý týrnıriniń matchtary bastaldy.</p>

Jerebe qorytyndysyna sáıkes 14 jasqa deıingiler arasynda Qazaqstan qyzdar quramasy V tobyna tústi.

Onda Iran, Malaızııa jáne Indonezııa komandalarymen oınaıdy. 

Atalmysh básekede Qazaqstan namysyn myna sportshylar qorǵap jatyr: Naılıa Baımahan, ⁠Ekaterına Kırıýshenko jáne Medına Ótepbergen. Komanda kapıtany — Marat Sháripov.

Qazaqstan quramasy búgin alǵashqy matchynda Indonezııaǵa 1:2 esebimen jol berdi. 

Medına Ótepbergen Pýtrı Hansadan 5:7, 1:6 esebimen utylsa, Naılıa Baımahan Kýrnıavan Emelıden basym tústi — 2:6, 6:2, 6:2. 

Sheshýshi, juptyq synda N.Baımahan — E.Kırıýshenko Pýtrı — Emelıden aılasyn asyra almady — 2:6, 6:7 (2:7).

Álem chempıonatynyń irikteý kezeńine barlyǵy 16 komanda qatysýda. Olar tórt topqa bólingen. Pleı-off básekesine ár toptan eki quramadan shyǵyp, komandalyq álem chempıonatynyń joldamasyn sarapqa salady. 

Eske sala keteıik, budan buryn álemniń 18-raketkasy Aleksandr Býblıktiń jeke rekordyn ornatqanyn jazǵan bolatynbyz.

Sondaı-aq Maıamı týrnırinde Elena Rybakına men ıÝlııa Pýtıntsevanyń qarsylastary anyqtaldy.