Tennısten Qazaqstan – Koreıa matchyn Zarına Dııas bastaıdy

<p>ASTANA. KAZINFORM &ndash; Elordada Bıllı Djın Kıng kýbogy aıasynda Qazaqstan men Koreıa Respýblıkasy arasynda ótetin pleı-off matchynyń jerebesi tartyldy.</p>

Básekeniń alǵashqy kúni, 16 qarashada saǵat 13.00-de kortqa birinshi bolyp Zarına Dııas pen Da En Bak shyǵady.

Osy oıyn aıaqtalǵannan keıin Elena Rybakına men Son Hen Pak sheberlik talastyrady. 

Jeksenbi kúni Elena Rybakına men Da En Bak bastasa, sodan soń Zarına Dııas – Son Hen Pakqa kezek keledi.

Foto: QTF

Qajet bolǵan jaǵdaıda juptyq synda Anna Danılına – Jibek Qulambaeva jáne Ký En Vý – Dabın Kım óner kórsetedi.

Matchtardy Qazsport telearnasy tikeleı efırde kórsetedi.

Eske sala keteıik, budan buryn Qazaqstan jasóspirimder quramasynyń álemniń tórt dúrkin chempıonyn utqanyn jazǵan edik. 

Ókinishke qaraı, keshe Antalııada jasóspirimder arasynda Devıs kýbogynda Qazaqstan quramasy Japonııaǵa ese jiberip, jartylaı fınaldan tys qaldy.