Tennısten Qazaqstan – Koreıa matchy: Qarsylasty baǵalamaýǵa bolmaıdy

<p>ASTANA. KAZINFORM &ndash; Elordada Bıllı Djın Kıng kýbogy aıasynda Qazaqstan men Koreıa quramalary arasynda ótetin pleı-off matchy qarsańynda komanda kapıtandary men oıynshylardyń qatysýymen baspasóz máslıhaty boldy.</p>

Qazaqstan quramasynyń kapıtany ıÝrıı Şýkın qarsylasty baǵalamaýǵa bolmaıtynyn aıtty.

«Komanda músheleriniń barlyǵy jınaldy, jattyǵyp jatyr. Bári de babynda, densaýlyǵy jaqsy. Qandaı jaǵdaı bolmasyn qarsylasty baǵalaý kerektigin aıtqym keledi. Iá, olardyń birinshi raketkasy kelgen joq, qalǵandarymen bizdiń qyzdar oınap kórmegen. Degenmen biz olardyń sheberligi qandaı ekendigin bilemiz, daıyndalatyn bolamyz. Eń bastysy, jeńemiz dep esepteımiz. Tolyqqandy jaqsy básekelestikke ázir bolýymyz kerek», dedi ıÝ.Şýkın.

Koreıa kapıtany ıÝnbe Kım jastarǵa senim artqanyn jetkizdi.

«Biz jastarǵa múmkindik berý úshin Astanaǵa komanda kóshbasshysynsyz keldik. Biz jaqsy daıyndaldyq. Keremet oıyndar bolady dep úmittenemiz. Meniń bilýimshe, bul eki komanda arasyndaǵy toǵyzynshy oıyn bolmaq. Ázirge sizdiń komanda alda keledi. Biraq 16-17 qarashada kortqa múldem basqa quramalar shyǵady. Maqsatymyz bireý – jeńiske jetip, kelesi kezeńge joldama alý», dedi ıÝ.Kım.

Eske sala keteıik, budan buryn Qazaqstan áıelder quramasynyń arbadaǵy tennısshiler úshin sheberlik saǵatyn ótkizgenin jazǵan bolatynbyz.

Sondaı-aq Elena Rybakına álemdegi eń kóp tabys tapqan on tennısshiniń qataryna kirdi.