ASTANA. KAZINFORM — Astanadaǵy Beeline Arena ulttyq tennıs ortalyǵynda eresekter arasynda ótip jatqan Qazaqstan chempıonatynda kútpegen nátıje tirkeldi.
Áıelder arasynda 18 jastaǵy Polına Sleptsova jarystyń 2-raketkasy, WTA reıtıngisinde 980-orynda turǵan Sandýǵash Kenjebaevany 6:4, 6:4 esebimen utty.
Polına Sleptsova jartylaı fınalda Arýjan Saǵyndyqovamen sheberlik baıqasady. Arýjan shırek fınalda Asyljan Arystanbekovany súrindirdi.
Álemniń 292-inshi, týrnırdiń 1-raketkasy Jibek Qulambaeva Anastasııa Krymkovany qınalmaı jeńdi — 6:2, 6:2.
Qazaqstan qysqy chempıonatynyń jeńimpazy Іńkár Dúısebaı Albına Kákenovadan ótti — 6:3, 6:2. Endi Jibek pen Іńkárdiń qaı jeńgeni fınalǵa shyǵady.
Eske sala keteıik, budan buryn Elena Rybakınanyń Vashıngton týrnıriniń shırek fınalyna ótkenin jazǵan edik.
Sondaı-aq Zarına Dııas Portýgalııadaǵy týrnırdiń shırek fınalyna joldama aldy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).