ASTANA. KAZINFORM — Dýbaı ATP 500 týrnırine barǵan oıynshylar, bapkerler, basqa qyzmetkerler, barlyǵy 41 adam Birikken Arab Ámirlikterinde qalyp otyr.
Bulardyń arasynda osy jarystyń jeńimpazy, álemniń 11-raketkasy, reseılik Danııl Medvedev, onyń otandasy, Dýbaıda jartylaı fınalǵa deıin jetken Andreı Rýblev bar.
Ispanııanyń Marca gazetiniń habarlaýynsha, barlyq sportshynyń 3 naýryz kúni tańmen ushyp ketýine kepildik berilgen. Alaıda bul eldiń áýe keńistigi ashylǵan jaǵdaıda ǵana múmkin bolmaq.
Budan buryn tennıs delegatsııalaryna kórshiles Saýd Arabııasy jáne Oman arqyly jer ústi kóligimen ketý múmkindigi usynylǵan, alaıda olar budan bas tartqan.
Dýbaı dodasyna qatysqan Qazaqstannyń birinshi, álemniń 10-raketkasy Aleksandr Býblık tyıym salynǵanǵa deıin ushyp shyǵyp, AQSh-qa aman-esen jetkenin áleýmettik jelide jazdy.
Eske sala keteıik, budan buryn Dýbaı áýejaılary belgisiz merzimge jumysyn toqtatqanyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).