Tennısten Bıllı Djın Kıng kýbogi: Japonııa quramasy alǵash ret fınaldyq kezeńge joldama aldy

<p>TOKIO. KAZINFORM &mdash; Tokıo qalasynda Bıllı Djın Kıng kýboginiń Japonııa &ndash; Qazaqstan irikteý matchynda kort ıeleri jeńiske jetti.</p>

Senbi kúni kortqa alǵashqy bolyp Qazaqstannyń ekinshi, álemniń 50-raketkasy ıÝlııa Pýtıntseva men dúnıejúzilik reıtıngide 79-orynda turǵan Nao Hıbıno shyqty.

Birinshi sette esep 3:3 bolǵan mezette Hıbıno breık jasap, bul oǵan jetkilikti boldy – 6:4.
Ekinshi partııada Pýtıntseva qarymta qaıyrdy – 6:4.

Úshinshi, sheshýshi partııada qazaqstandyq tennısshi eki ret breık jasaǵanymen, japonııalyq sportshy izinshe tarazy basyn teńestirip otyrdy. Taı-breıkte Pýtıntseva tórt matchbolyn paıdalana almaı, jeńilis tapty – 6:7 (7:9).

Bir saǵat 42 mınýtqa sozylǵan tartysty báseke barysynda Pýtıntseva 1 eıspen birge 7 breık-poınttyń beseýin múlt jibergen joq. Hıbıno 2 eıs, 5 breıkpen (7 breık-poınt) kózge tústi. 
Osylaısha, Japonııa quramasy 3:0 esebimen alǵa shyǵyp, alǵash ret Bıllı Djın Kıng kýboginiń fınaldyq kezeńine joldama aldy.

Japonııa – Qazaqstan matchynda qalǵan oıyn nátıjesi eshteńeni sheshpeıdi.

Eske sala keteıik, budan buryn Kýkýshkınniń Madrıdte tórt saǵattyq matchta jeńiske jetkenin jazǵan edik.