Tennısten álemniń eks 1-raketkasy dopıng daýyna ilikti
Shampionat.com saıtynan alynǵan málim etkenindeı, tennısshiniń Azııadaǵy Seýl, Beıjiń jáne Ýhan týrnırlerine nege qatyspaǵany belgili boldy.
AQSh ashyq chempıonatynan keıin úzilis alǵan polıak sportshysy Er-Rııadtaǵy qorytyndy týrnırge ǵana qatysyp, onda toptan shyǵa almady. Sóıtip álemdik reıtıngide belarýstik Arına Sobolenkony alǵa jiberip, ekinshi orynǵa yǵysty.
Tennıs ádildigin qamtamasyz etý jónindegi halyqaralyq agenttik (ITIA) habarlaǵanyndaı, Iga Shventekten birinshi raketka bolyp turǵan kezde, tamyzda jarystan tys ýaqytta alynǵan taldaý onyń aǵzasynda tyıym salynǵan trımetazıdın bar ekendigin kórsetken. Bul tennısshiniń ýaqyt beldeýin aýystyrýǵa baılanysty uıqyǵa qatysty másele týyndaǵannan keıin Polshada óndirilgen melatonındi bilmeı qabyldaǵannan bolǵan.
Tennısshiniń azdaǵan kinási jáne salǵyrt qaraǵandyǵynan dep eseptegen ITIA ony bir aı merzimge shettetýdi usynǵan. 27 qarasha kúni sportshy dopıngige qarsy erejeni buzǵanyn moıyndap, sanktsııany qabyldaǵan. Ol 12 qyrkúıekten 4 qazanǵa deıin úsh jarystan shettetilgen. Sol aralyqty qosqanda, shettetý merziminiń bitýine endi 8 kún qaldy, 4 jeltoqsan kúni aıaqtalady. Oǵan qosa Shventek taldaý tapsyrǵannan keıin qatysqan Tsıntsınnatı WTA 1000 týrnırinde tapqan tabysynan aıyryldy.
Bul tennıs álemindegi birinshi dopıng daýy emes. Bıyl álemniń 1-raketkasy, ıtalııalyq ıAnnık Sınner osyndaı kúıge ushyraǵan edi.
Eske sala keteıik, budan buryn tennısten álemniń birinshi raketkasy dopıng daýyna qalǵanyn jazǵan bolatynbyz.