Tennısten álem chempıonatyna qatysatyn Qazaqstan jasóspirimder quramasy anyqtaldy

<p>Tennısten álem chempıonatyna qatysatyn Qazaqstan jasóspirimder quramasy anyqtaldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Qazaqstan tennıs federatsııasynan málim etkendeı, 16 jasqa deıingiler arasynda el quramasyna Marat Sháripov pen Sergeı Kvak bastaǵan bapkerler shtaby myna oıynshylardy iriktep aldy.

Bozbalalar:

Ámir Omarhanov (100 Juniors ITF),

Zańǵar Nurlanuly (324 Juniors ITF),

Damır Jalǵasbaı (395 Juniors ITF). 

Foto: Qazaqstan tennıs federatsııasy

Qyzdar:

Polına Sleptsova (234 Juniors ITF),

Anastasııa Krymkova (578 Juniors ITF),

Іńkár Dúısebaı (525 Juniors ITF).

Bıylǵy Davis Cup Juniors Finals oıyndary 30 qazan - 5 qarasha aralyǵynda Kordovada (Ispanııa) ótedi. Oǵan Qazaqstannan basqa Argentına, Brazılııa, Perý, AQSh, Kanada, Chehııa, Germanııa, Ulybrıtanııa, Italııa, Nıderland, Ispanııa, Japonııa, Ońtústik Koreıa, Taıland jáne Marokko komandalary qatysady.

Qyzdar arasynda Billie Jean King Cup Juniors Finals 6-12 qarashada Kordovada bolady. Onda Qazaqstanmen qosa Argentına, Brazılııa, Kolýmbııa, AQSh, Kanada, Chehııa, Latvııa, Ulybrıtanııa, Serbııa, Shvetsııa, Ispanııa, Japonııa, Aýstralııa, Aljır jáne Mysyr quramalary baq synaıdy.

Eske sala keteıik, budan buryn Denıs Evseevtiń Qytaıdaǵy týrnırde álemniń burynǵy 9-raketkasyn utqanyn jazǵan bolatynbyz.