Tennısten ÁCh: Qazaqstan Ispanııa quramasymen kortqa shyǵady

ASTANA. QazAqparat – Shotlandııanyń Glazgo qalasynda tennısten komandalyq álem chempıonaty – Bıllı Djın Kıng kýboginiń fınaldyq kezeńinde S tobynda Qazaqstan Ispanııa quramasymen kortqa shyǵady, dep habarlaıdy QazAqparat tilshisi.

Qazaqstandyqtar Bıllı Djın Kıng kýboginiń fınaldyq kezeńine alǵash ret qatysyp jatsa, Ispanııa – bes márte álem chempıony.

Ispanııamen match Astana ýaqytymen saǵat 22.00-de bastalyp, Qazsport telearnasynan tikeleı efırde kórsetiledi.

Bul kezdesýde Qazaqstan quramasy utsa, jartylaı fınalǵa joldama alady.

Ispanııa quramasynyń kóshbasshysy, álemniń 13-raketkasy Paýla Badosa Qazaqstannyń birinshi raketkasy Elena Rybakınamen ótetin báseke týraly oıyn bildirdi.

«Bul óte qıyn bolmaq. Rybakına jyldy tamasha ótkizdi. Men onymen birneshe ret oınadym, onyń myqty qarsylas ekendigin bilemin. Kezdesýdiń tartysty ótetini anyq. Ár upaı úshin kúresip, Ispanııa jeńisine úles qosýǵa barymdy salamyn», dedi P.Badosa.

Jarystyń birinshi kúni qazaqstandyqtar kort ıeleri – Ulybrıtanııa quramasyn 2:1 esebimen utty.

Jekeleı synda ıÝlııa Pýtıntseva men Elena Rybakına qarsylastaryn qapy qaldyryp, Qazaqstanǵa jeńis syılady.

Sońynda Anna Danılına men Elena Rybakına juptyq synda Alısııa Barnett – Olıvııa Nıkkolspen kortqa shyqty. 1 saǵat 23 mınýtqa sozylǵan oıyn brıtandyqtardyń jeńisimen aıaqtaldy – 7:5, 6:3.

Matchtan keıin Qazaqstan quramasynyń kapıtany ıAroslava Shvedova komandasymen maqtanatynyn bildirdi.

«Biz brıtandyqtardy óz alańynda jeńdik. Sóıtip óz tobymyzda kósh bastadyq. Endi aldaǵy oıynnyń asa mańyzdy ekendigin bári de túsinedi. Komandamyz bul matchqa da tolyq daıyn, jartylaı fınalǵa joldama alý úshin múmkin bolǵan nárseniń bárin jasaıdy», - dedi ıA.Shvedova.

ıÝlııa Pýtıntseva men Elena Rybakına Ulybrıtanııamen matchtyń ońaıǵa túspegenin jetkizdi.

«Herrıet Dart, ásirese, ekinshi sette óte jaqsy oıynshy ekendigin kórsetti. Men birneshe geımdi berip qoıdym, degenmen jeńis bizge buıyrdy. Endi Ispanııamen ótetin match óte mańyzdy. Paýla Badosamen oınaýǵa týra keletin shyǵar. Ol da, men de bir-birimizdi jaqsy bilemiz. Eń bastysy, bastapqy matchtan keıin tezirek qalpymyzǵa kelý kerek. Jeńemiz dep úmittenemiz», - dedi E.Rybakına.

Eske sala keteıik, budan buryn Ulybrıtanııamen matchta ıÝlııa Pýtıntsevanyń Qazaqstandy alǵa shyǵarǵanyn jazǵan bolatynbyz.

Sondaı-aq Qazaqstan Ulybrıtanııa quramasyn jeńip ketti.

Foto: ktf.kz