Tennısten ÁCh: Іrikteý týrnırinde Qazaqstan jasóspirimder quramasynyń qarsylastary anyqtaldy

ASTANA. QazAqparat - Shymkent qalasynda 16 jasqa deıingiler arasynda tennısten álem chempıonaty Azııa - Tynyq muhıt aımaǵy boıynsha irikteý kezeńiniń jerebesi tartyldy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, bozbalalar arasynda 7-13 mamyr aralyǵynda ótetin irikteý saıysyna 16 komanda qatysady.

Qazaqstandyqtar D tobynda Taıbeı, Ózbekstan jáne Jańa Zelandııa quramalarymen oınaıdy. 8 mamyr kúni Sergeı Kvaktyń shákirtteri Jańa Zelandııamen synǵa túsedi.

Qazaqstan namysyn myna sportshylar qorǵaıdy: Ámir Omarhanov (Qaraǵandy), Zańǵar Nurlanuly (Túrkistan), Damır Jalǵasbaı (Almaty).

Komanda kapıtany: Sergeı Kvak.

Eske sala keteıik, budan buryn Qazaqstan jasóspirimderiniń tarıhı nátıjege qol jetkizgenin jazǵan bolatynbyz.

Sondaı-aq Qazaqstan jasóspirimder quramasynyń kapıtany ıAroslava Shvedova shákirtterimen maqtanatynyn jetkizdi.