Tennısshiler men boksshylar Parıjge qurǵan josparymyzdyń údesinen shyǵa almady — mınıstr

<p>ASTANA. KAZINFORM — Týrızm jáne sport mınıstri Erbol Myrzabosynov Jibek Joly telearnasyndaǵy «Ýáde» baǵdarlamasynda bergen suhbatynda Parıj Olımpıadasyndaǵy qazaqstandyq sportshylardyń medal esebinde nege 43-orynda qalǵanyn túsindirdi.</p>

«Árıne, úlken tennısten josparymyz bolǵan. Álemdik arenada top jaryp júrgen, nátıje kórsetedi degen sportshylarymyz aýyryp qaldy, bas tartty. Ekeýi de — Reseıden kelgen sportshylar. Odan keıin bokstan ne bolǵanyn kórdińizder. Bokstan ár Olımpıadada altyn alatynbyz. Bul jerde de másele bar. Tóreshilik, basqa da máseleler. Búginde bokstyń halyqaralyq arenada damýynyń ózi úlken suraq belgisimen tur. Kelesi Olımpıadada boks bola ma, bolmaı ma degen suraq bar. Bizdiń altyn medal alamyz degen josparymyz sol tennıs pen boksta bolǵan», — dedi mınıstr.

Onyń aıtýynsha, olımpıadalyq tsıkl 4 jyl bolǵanymen bir sportshynyń halyqaralyq deńgeıde jaqsy nátıje kórsetýine keminde 15 jyl kerek. 

«Sportshynyń 15 jyldyq jattyǵýy medıtsınalyq, bıologııalyq jaǵynan ǵylymı súıemeldenip kelgende ǵana jaqsy nátıje bolady. Búgingi álemdik sporttyń deńgeıi solaı», — dedi Erbol Myrzabosynov.