Tennısshi Elena Rybakına Madrıd týrnıriniń shırek fınalyna óte almady

NUR-SULTAN. QazAqparat – Qazaqstannyń birinshi, álemniń 18-raketkasy Elena Rybakına Madrıd WTA 1000 týrnıriniń shırek fınalyna shyǵa almady, dep habarlaıdy QazAqparat tilshisi.

Osy iri jarystyń 16-raketkasy bolyp tirkelgen qazaqstandyq tennısshi úshinshi aınalymda dúnıejúzilik reıtıngte 35-orynda turǵan shveıtsarııalyq Hıl Belen Taıhmanmen kúsh synasty.

Qarsylastar buǵan deıin bir-birimen kortta kezdespegen bolatyn.

Shveıtsarııalyq tennısshi birinshi partııada 6:3 esebimen basym tústi.

Taıhmann ekinshi sette qarqynyn eseleı tústi – 6:1.

Bir saǵat 16 mınýtqa sozylǵan match barysynda E.Rybakına 6 eıs jasaǵanymen, 6 breık-poınttyń bireýin de paıdalana almady. Qarsylasy 4 eıspen birge 4 breıkpen (7 breık-poınt) kózge tústi.

Shveıtsarııalyq sportshy jartylaı fınalǵa shyǵý úshin álemniń 11-raketkasy, ulybrıtanııalyq Emma Radýkaný nemese reıtıngte 37-satydaǵy ýkraınalyq Angelına Kalınınanyń bireýimen talasady.

Eske sala keteıik, budan buryn Elena Rybakınanyń Madrıd týrnıriniń úshinshi aınalymyna shyqqanyn, Aleksandr Býblıktiń Madrıdte utylyp qalǵanyn jazǵan bolatynbyz.