Tennısshi Jibek Qulambaeva Praga týrnırin sátti bastady

<p>PRAGA. KAZINFORM &mdash; Qazaqstandyq tennısshi, álemniń 445-raketkasy, 24 jastaǵy Jibek Qulambaeva Praga (Chehııa) WTA 250 týrnıriniń irikteý saıysyn sátti bastady.</p>

Qazaqstandyq sportshy alǵashqy kezdesýin dúnıejúzilik reıtıngide 551-orynda turǵan majarstandyq Reka-Lýka ıAnımen ótkizdi.

Birinshi partııada Jibek 6:3 esebimen basymdylyq tanytsa, ekinshisinde qarqynyn tipti údetti – 6:1. Bir saǵat 20 mınýtqa sozylǵan báseke barysynda Qulambaeva 8 breık-poınttyń beseýin paıdalandy. ıAnı 1 breıkpen (4 breık-poınt) shekteldi.

Jibek Qulambaeva irikteý saıystarynyń fınalynda álemniń 255-raketkasy, 21 jastaǵy reseılik Oksana Selehmetıevamen negizgi jarystyń joldamasy úshin talasady. Ol reıtıngide 400-oryndaǵy germanııalyq Stefanı Vagnerdi joldan taıdyrdy – 6:2, 6:1.

Eske sala keteıik, budan buryn Prezıdent kýboginde Ámir Omarhanovty utqan tennısshiniń fınalǵa shyqqanyn jazǵan bolatynbyz.