Tennısshi Denıs Evseev Belgııadaǵy jarysta jeńilip qaldy

<p>ASTANA. KAZINFORM &ndash; Qazaqstannyń ekinshi, álemniń 184-raketkasy Denıs Evseev Ottını-Lýven-la-Nev (Belgııa) chellendjer týrnırinde jeńilip qaldy.</p>

Jarysty irikteý saıystarynan bastaǵan qazaqstandyq tennısshi alǵashqy aınalymda dúnıejúzilik reıtıngide 218-orynda turǵan belgııalyq, 22 jastaǵy Gote Onklınmen sheberlik baıqasty.

Belgııalyq sportshy eki sette 6:4, 6:4 esebimen jeńiske jetti. 1 saǵat 25 mınýtqa sozylǵan báseke barysynda ol 11 breık-poınttyń tórteýin paıdalandy.

D.Evseev 3 eıs, 2 breıkpen (4 breık-poınt) kózge tústi.

Osylaısha, ol ekinshi aınalymǵa shyǵa almady.

Eske sala keteıik, budan buryn Aýstralııa ashyq chempıonatynda jasóspirimder arasynda qazaqstandyqtardan alǵash bolyp Ámir Omarhanovtyń shırek fınalǵa shyqqanyn jazǵan edik.

Sondaı-aq qazaqstandyq jas tennısshi Aýstralııadaǵy týrnırdi sátti bastady.

Aýstralııa chempıonatynda áıelder arasynda jartylaı fınalǵa shyqqan tennısshiler anyqtaldy.