Tennısshi Beıbit Juqaev Meksıkadaǵy týrnırde alǵashqy jeńisine qol jetkizdi

<p>ASTANA. KAZINFORM &mdash; Qazaqstandyq, álemniń 191-raketkasy Beıbit Juqaev San-Lýıs-Potosı (Meksıka) chellendjer týrnıriniń irikteý saıysynda alǵashqy jeńisine qol jetkizdi.</p>

Іrikteý satysynda 1-raketka bolyp tirkelgen Beıbit Juqaev bastapqy kezdesýinde dúnıejúzilik reıtıngide 825-orynda turǵan meksıkalyq Alan Fernando Rýbıo Ferrostyń mysyn basty.

Qazaqstandyq tennısshi 6:4, 7:6 (7:0) esebimen jeńiske jetti.

Beıbit Juqaev irikteý saıystarynyń fınalynda reıtıngide 476-satydaǵy germanııalyq Elmar Eıýpovıchpen kezdesedi. Ony utsa, negizgi jarysqa joldama alady.

Beıbit Juqaev bıylǵy qańtardan beri túrli dodaǵa qatysqanymen, joly bolmaı júrgen edi.

Taǵy bir qazaqstandyq Aleksandr Býblık Maıamı masters týrnırinde juptyq synda da jarys jolyn aıaqtady. Ol aýstrııalyq Sebastıan Ofnermen birge alǵashqy aınalymda nıderlandylyq Sem Verbek – aýstralııalyq Djon Patrık Smıtpen oınap, 6:7 (8:10), 6:4, 5:10 esebimen jeńilis tapty.

Osylaısha, Maıamıde Qazaqstannan Elena Rybakına men ıÝlııa Pýtıntseva ǵana qaldy. Olardyń jekeleı syndaǵy matchtary búgin keshke belgilengen.

Eske sala keteıik, budan buryn Denıs Evseevtiń Ispanııadaǵy chellendjer týrnırin sátti bastaǵanyn jazǵan bolatynbyz.