Qazaqstandyq tennısshilerdiń álemdik reıtıngidegi orny anyqtaldy, dep habarlaıdy Kazinform.
Kásibı tennısshiler qaýymdastyǵynyń (ATP) jańartylǵan reıtıngisinde Qazaqstannyń birinshi raketkasy Aleksandr Býblık 35-ten 36-ǵa syrǵydy.
Tımofeı Skatov 134-ten 190-ǵa quldyrady. Esesine basqa tennısshiler kórsetkishterin edáýir jaqsartty. Mıhaıl Kýkýshkın 245-ten 211-ge, Denıs Evseev 260-tan 240-qa kóterildi.
Beıbit Juqaev birden 53 satyǵa joǵarylap, 302-den 249-ǵa jaıǵasty.
Juptyq synda Aleksandr Nedovesov 45-ten 43-ke, Andreı Golýbev 65-ten 62-ge shyqty.
Qazaqstannyń áıelder arasynda birinshi raketkasy Elena Rybakına WTA reıtıngisinde 5-orynda qalsa, ıÝlııa Pýtıntseva 68-den 66-ǵa kóterildi.
Juptyq synda Anna Danılına 32-satyda tursa, E.Rybakına 116-dan 115-ke aýysty. Jibek Qulambaeva 154-ten 157-ge tómendedi.
Eske sala keteıik, budan buryn Andreı Golýbevtiń Slovakııadaǵy jarystyń fınalynda jeńilip qalǵanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).