Tennısshi Beıbit Juqaev AQSh-taǵy jarysty sátti bastady

<p>ASTANA. KAZINFORM &ndash; Qazaqstandyq, álemniń 238-raketkasy Beıbit Juqaev Shampeın (AQSh) chellendjer týrnıriniń ekinshi aınalymyna shyqty.</p>

Jarystyń 8-raketkasy bolyp tirkelgen qazaqstandyq tennısshi alǵashqy kezdesýin reıtıngide 514-orynda turǵan ulybrıtanııalyq, 18 jastaǵy Genrı Sırlmen ótkizdi.

Birinshi partııa 6:3 esebimen Beıbittiń paıdasyna aıaqtaldy. 

Tartysty órbigen ekinshi sette taı-breıkte Juqaev basym boldy – 7:6 (7:4). Bir saǵat 22 mınýtqa sozylǵan báseke barysynda ol 5 eıspen birge 4 breık-poınttyń tek bireýin paıdalandy. 

Sırl 6 eıspen ǵana shekteldi.

Beıbit Juqaevtyń 1/8 fınaldaǵy qarsylasy keıin anyqtalady.

Sondaı-aq qazaqstandyqtar Mıhaıl Kýkýshkın men Denıs Evseev Lıondaǵy (Frantsııa) dál osyndaı dodada baq synaıdy. M.Kýkýshkın alǵashqy aınalymda ýkraınalyq Vıtalıı Sachkomen, D.Evseev kort ıesi Kalvın Emerımen sheberlik baıqasady.

Eske sala keteıik, budan buryn Devıs kýbogynda Qazaqstan jasóspirimder quramasynyń alǵashqy jeńisine qol jetkizgenin jazǵan edik.