Tennısshi Anna Danılına Brısben týrnıriniń shırek fınalyna shyqty

<p>ASTANA. KAZINFORM &ndash; Qazaqstannyń juptyq syndaǵy birinshi, álemniń 22-raketkasy Anna Danılına Brısben (Aýstralııa) WTA 500 týrnıriniń shırek fınalyna joldama aldy.&nbsp;</p>

Jarystyń 2-raketkalary bolyp tirkelgen A.Danılına – reseılik Irına Hromacheva juby jańa maýsymdaǵy bastapqy kezdesýin ıspanııalyq Krıstına Býksha – reseılik ıAna Sızıkovamen ótkizdi.

Birinshi partııany qazaqstandyq-reseılik dýet 6:3 esebimen bitirdi. Ekinshi sette esep 3:2 bolǵan mezette olar breıkke qol jetkizip, matchty jeńispen túıindedi – 6:3.

Bir saǵat 10 mınýtqa sozylǵan báseke barysynda A.Danılına – I.Hromacheva 1 eıspen birge 9 breık-poınttyń tórteýin óz esepterine jazdy. K.Býksha – ıA.Sızıkova 1 eıs, 1 breıkten (7 breık-poınt) asa almady. 

Anna Danılına – Irına Hromacheva jartylaı fınalǵa shyǵý úshin japonııalyqtar Sıýko Aoıama – Erı Hodzýmımen talasady. 

Taǵy bir qazaqstandyq, dúnıejúzilik reıtıngide 113-orynda turǵan Mıhaıl Kýkýshkın jekeleı synda Brısben ATP 250 týrnıriniń alǵashqy aınalymynda álemniń 48-raketkasy, 19 jastaǵy chehııalyq ıAkýb Menshıkke jol berdi – 6:7 (3:7), 4:6. 

M.Kýkýshkın negizgi jarysqa irikteý saıystarynan keıin qosylǵan bolatyn. 

Eske sala keteıik, budan buryn United Cup týrnırinde Qazaqstan quramasynyń ótken jylǵy chempıonmen oınaıtynyn jazǵan bolatynbyz.

Sondaı-aq ıÝlııa Pýtıntseva Brısben týrnıriniń úshinshi aınalymyna ótti.