Tennıs: Skatov pen Kýkýshkın Portýgalııadaǵy týrnırdi sátti bastady

<p>ASTANA. KAZINFORM &mdash; Qazaqstandyq tennısshiler Tımofeı Skatov pen Mıhaıl Kýkýshkın Portý (Portýgalııa) chellendjer týrnıriniń 1/8 aınalymyna shyqty.</p>

Álemniń 189-raketkasy Tımofeı Skatov bastapqy kezdesýin dúnıejúzilik reıtıngide 489-orynda turǵan portýgalııalyq Frederıký Ferreıra Sılvamen ótkizdi.

Qazaqstandyq tennısshi 1 saǵat 41 mınýtqa sozylǵan matchta qarsylasyn 6:3, 6:3 esebimen tize búktirdi. Ol 5 eıs jasap, 8 breık-poınttyń teń jartysyn paıdalandy.

Álemniń 134-raketkasy Mıhaıl Kýkýshkın reıtıngide 336-satydaǵy qytaılyq Tsze Tsýımen oıynda kambek jasaı aldy – 3:6, 6:2, 6:1. 2 saǵat 6 mınýtqa sozylǵan tartysty básekede Kýkýshkın 1 eıs, 5 breıkpen (8 breık-poınt) kózge tústi.

Shırek fınalǵa shyǵý úshin T.Skatov álemniń 249-raketkasy, danııalyq Aýgýst Holmgrenmen, M.Kýkýshkın reıtıngide 224-oryndaǵy belgııalyq Iorıs De Loremen talasady.

Eske sala keteıik, budan buryn Olımpıadada qazaqstandyq tennısshilerdiń jarysty aıaqtaǵanyn jazǵan edik.