Tennıs: AQSh týrnırinde 6 qazaqstandyq baq synaıdy

NUR-SULTAN. QazAqparat – 22 naýryz – 4 sáýir aralyǵynda Maıamıde erler men áıelder arasynda Miami Open presented by Itaú týrnıri ótedi, dep habarlaıdy QazAqparat tilshisi.

Qazaqstan tennıs federatsııasynan túsken málimetke qaraǵanda, jarys uıymdastyrýshylary resmı saıtta qatysýshylar tizimin jarııa etti.

Erler arasynda negizgi dodada Qazaqstannan Aleksandr Býblık pen Mıhaıl Kýkýshkın, áıelderden Elena Rybakına, ıÝlııa Pýtıntseva, Zarına Dııas jáne ıAroslava Shvedova baq synaıdy.

Atalmysh týrnır «Úlken dýlyǵa» týrnırleri Australian Open, Roland Garros, Wimbledon jáne US Open-nen keıingi eń bedeldi jarys sanalady.

2019 jyly týrnır alǵash ret Maıamıdegi «Hard Rok stedıým» stadıonynda ótkizildi. Oǵan deıin Kı-Bıskeınde bolyp keldi. 2020 jyly jarys koronavırýs indetine baılanysty ótpeı qaldy.

Erler arasyndaǵy Miami Open presented by Itaú ATR Masters 1000, áıelder dodasy Premier Mandatory serııasyna jatady. Erler jáne áıelder arasynda jarystyń jalpy quny 9 mln-daı AQSh dollaryn quraıtyn. Alaıda bıyl uıymdastyrýshylar júlde qoryn 2,5 esege, 6,68 mln dollarǵa deıin kemitti. Jekeleı synda chempıondardyń syıaqysy 80 paıyzǵa azaıdy, olar 1,354 mln dollardyń ornyna 300 myńnan alady. Stadıondar tolymdylyǵy 20 paıyzdan aspaıdy. Bul júlde qoryna tikeleı áser etti. Oıynshylar otelden tek matchtar men jattyǵýlarǵa ǵana bosatylady.

Eske sala keteıik, budan buryn Zańǵar Nurlanulynyń Penza týrnıriniń shırek fınalyna shyqqanyn jazǵan bolatynbyz.

Z.Nurlanuly shırek fınalda tartysty matchta osy týrnırdiń 1-raketkasy, reseılik Pavel Skvorotkovqa 4:6, 6:0, 5:7 esebimen ese jiberdi.