«Teńizshevroıldyń» ekinshi býyn zaýytynda aqaý shyqty
Óndiristik aqaý keshe, 6 qarashada anyqtalǵan.
Teńiz kenishindegi ekinshi býyn zaýyty Jylyoı aýdanynyń ortalyǵy – Qulsary qalasynan shamamen 100 shaqyrym qashyqtyqta ornalasqan.
«Teńizshevroıl» tehnıkalyq aqaýlarǵa baılanysty Teńiz kenishindegi nysandardyń biri ýaqytsha toqtap qalǵanyn rastaıdy. Qazirgi ýaqytta barlyq óndiristik qondyrǵy qalypty rejımde jumys isteýde», - dep habarlady kompanııanyń baspasóz qyzmetinen.
Atalǵan zaýytta G-211A markaly sorǵynyń isten shyqqany anyqtalǵan. Óndiristik aqaýdy qalpyna keltirý jumystary aıaqtalǵan soń zaýyt tehnologııalyq rejımge sáıkes jumysyn qaıta jalǵastyrǵan.
Óndiristik aqaý kezinde jumysshylar evakýatsııalanǵan joq.
Eske salaıyq, budan buryn Teńiz kenishindegi munaı jelisinde aqaý bolǵanyn jazǵan edik.