Teńizde úsh mıllıard barrel munaı óndirildi
14:32, 05 Shilde 2017
ATYRAÝ. QazAqparat - Atyraý oblysyndaǵy Teńiz ken ornynda úsh mıllıard barrel munaı óndirildi, dep habarlaıdy «QazAqparat» HAA tilshisi.
«TShO jumysshylary men seriktesteri atynan Qazaqstan Respýblıkasyna Teńizdi ıgerý isinde senim artqany jáne qoldaý kórsetkeni úshin alǵys bildiremin. QR Prezıdenti Nursultan Ábishuly Nazarbaevqa bizge únemi qoldaý kórsetip jáne kómektesip kelgeni úshin rahmet aıtamyn. Bul tabys - 2018 jyly atalyp ótiletin TShO-nyń 25 jyldyǵyna daıyndyqtyń jaqsy bastamasy boldy. 2017 jyly TShO bolashaq keńeıtý jobasy - Uńǵy erneýindegi qysymdy basqarý jobasy aıasyndaǵy jumys qarqynyn ulǵaıtady», - dep habarlady TShO bas dırektory Ted Etchıson.