Teńizde toǵyz aıda 21,4 mln tonna munaı óndirildi
«2008 jyly TShO shıki gaz aıdaý men ekinshi býyn zaýyttary jobasyn aıaqtaǵan bolatyn, nátıjesinde munaıdyń táýliktik óndirisi shamamen 75 myń tonnaǵa (600 myń barrel) jáne tabıǵı gazdyń táýliktik óndirisi 22 mln tekshe metrge jetti (750 mln tekshe fýt). 2017 jyldyń qańtar aıynan qyrkúıekke deıingi aralyqta Teńizdegi shıki munaı óndirisiniń kólemi 21,4 mln tonnany qurady (171 mln barrel)», - dep habarlady kompanııanyń baspasóz qyzmetinen.
2016 jylmen salystyrǵanda Teńizdegi óndiris aıtarlyqtaı ósken joq - byltyrǵy jyldyń qańtar-qyrkúıek aılarynda 20,3 mln tonna munaı óndirildi (160 mln barrel). TShO shıki munaıdy túrli baǵyttarǵa eksporttaıdy, Kaspıı qubyr jelisi konsortsıýmy arqyly Novorossııskige, temir joldar arqyly Odessa, Taman, Aqtaý, odan ári Batýmı men Kýlevıge jetkiziledi.
Qazirgi ýaqytta TShO Teńiz ken ornynan 26-27 tonna munaı óndiredi. Teńizdegi TShO qýattylyǵyn keńeıtý aıaqtalǵannan keıin óndiris jylyna 39 mln tonnaǵa jetedi dep josparlanýda. Ken oryndarynda 130 uńǵyma burǵylanǵan, 2020 jylǵa qaraı taǵy 100 uńǵyma paıdalanýǵa beriledi dep josparlanyp otyr.