Teńiz munaı ken ornynda úshinshi zaýyt salynady

ATYRAÝ. QazAqparat - «Teńizshevroıl» JShS Teńiz munaı ken ornynda munaı daıyndaıtyn úshinshi zaýyttyń qurylysy úshin jobalyq qujattardy daıyndap jatyr. Bul týraly aımaqtyq kommýnıkatsııalar qyzmetiniń brıfınginde «100 naqty qadam» Ult josparyn júzege asyrý barysyn baıandaı otyryp, Atyraý oblysynyń ákimi Nurlan Noǵaev málim etti.

«Búgingi tańda Teńizshevroıl jylyna 26,5 mln tonna munaı óndiredi. Bolashaqta joba aıaqtalǵannan keıin munaı alý kólemi 12 mln tonnaǵa artyp, 37 mln tonnaǵa jetedi. Bul týraly maǵan TShO-nyń bas dırektory Ted Etchıson aıtyp berdi. Bul joba - óte kúrdeli jáne resýrstardy shyǵyndaıtyn joba. Biraq, salǵan aqshamyz aqtalady», - dep habarlady N.Noǵaev.