Teńiz kenishinen 3 myńǵa jýyq adam shyǵaryldy
«Teńizshevroıldyń» jáne ózge de merdiger kompanııalardyń jumysshylaryn Teńiz kenishinen ýaqytsha shyǵarý jalǵasýda. Ken ornynan 17 myń adam shyǵarylady. Onyń ishinde Atyraý oblysynyń 7191 turǵyny bar», dep habarlady tótenshe jaǵdaıdy qamtamasyz etý jónindegi óńirlik jedel shtabtan.
Shtabtyń málimetine súıensek, 16 sáýirden beri Teńiz kenishin 2868 jumysshy tastap shyqqan. Olardyń 1619-y – Atyraý oblysynyń turǵyny. Qazirgi tańda Batys Qazaqstan oblysyna – 283, Túrkistan oblysyna – 241, Qyzylorda oblysyna – 166, Jambyl oblysyna – 103, Aqtóbe oblysyna 455 adam jetkizilgen.
«Teńiz kenishi aýmaǵynan shyǵarylar aldynda barlyq jumysshy COVID-19 ınfektsııasyna mindetti testti tapsyrdy. «Teńizshevroıl» kompanııasy jumysshylardyń turǵylyqty meken-jaıyna jetkenge deıingi barlyq jol shyǵynyn óz esebinen tóleıdi. Jumysshylardy shyǵarýǵa avtobýs, áýe jáne temir jol kólikteri qoldanylýda», -dedi óńirlik jedel shtabtan.
Al, TShO kompanııasy basshylarynyń aıtýynsha, Teńiz kenishinen tikeleı óndiriske qatysy joq personaldar shyǵarylýda. Kompanııanyń óndiristik qyzmeti óz jumysyn shtattyq rejımde jalǵastyryp jatyr.