Teńiz kenishindegi munaı jelisinde aqaý boldy

ATYRAÝ. QazAqparat – Atyraý oblysynda ornalasqan Teńiz kenishindegi munaı jelisinde aqaý boldy, dep habarlaıdy QazAqparat.

Oblystyq Ekologııa departamentinen málim etkendeı, keshe, 1 shildede saǵat 17:40-ta «Teńizshevroıl» JShS ıgerip jatqan Teńiz ken ornyndaǵy munaı jelisinde aqaý paıda bolǵan.

«Ekinshi býyn zaýytynyń munaı jelisinde klapannyń jabylý sebebinen zaýyt jumysy men shıki gazdy jer qoınaýyna aıdaý óndirisi toqtatyldy. Óndiris pen qyzmetkerlerdiń qaýipsizdigin qamtamasyz etý maqsatynda alaýda otyn gazy jaǵyldy» -dep habarlady departamenttiń baspasóz qyzmeti.

Osyǵan baılanysty departament mamandary jospardan tys tekserý júrgizbek. Aqaýdyń sebepteri men ózge de málimetter sodan keıin habarlanady.