Teńiz kenishinde jarty jyldyń ishinde 14 mln tonnadan astam munaı óndirildi

ATYRAÝ. QazAqparat - Teńiz kenishinde qańtar men maýsym aralyǵynda 14 mln tonnadan astam munaı óndirildi. 

Bul 14,4 mln tonna óndirilgen  2016 jylǵy jartyjyldyqtaǵy kórsetkishten 1,3 paıyz kóp, dep habarlaıdy «QazAqparat» HAA tilshisi.

«Óńdelmegen gazdy aıdaý jobasy  aıaqtalǵannan keıin jáne ekinshi býyndaǵy zaýyt qurylysy  aıaqtalǵannan  soń Teńiz kenishindegi táýliktik munaı alý kólemi shamamen 75 myń tonna nemese táýligine 600 myń barrelge jetti.  Táýliktik tabıǵı gaz óndirý 22 mln tekshe metrdi qurady. 2017 jyldyń alǵashqy jartysynda shıki munaı óndirý 14,59 mln tonnany nemese 116 mln barreldi qurady»,- dep habarlady «Teńizshevroıl» JShS baspasóz qyzmeti.