Teńiz kenishinde vahtalyq jumys merzimi uzarady
«Teńizshevroıl» JShS úkimetpen jáne jurtshylyqpen baılanys bóliminiń bas menedjeri Rzabek Artyǵalıevtyń málimetinshe, 15 maýsym kúni Teńiz kenishinde jumysshylardyń vahtalyq aýysýy bastalǵan.
«Endi buryn 14 kún jumys istegender 28 kúnge aýystyrylady. Al, 28 kúndik vahtaǵa kelgender endi 56 kún jumys isteıdi. Vahtalyq jumys merziminiń uzartylýy Qazaqstannyń eńbek zańdylyǵyna sáıkes jumysshylardyń kelisimimen júrgiziledi», - dedi Rzabek Artyǵalıev.
Onyń aıtýynsha, Teńiz ken ornynda 13 700 adam jumys istep jatyr. TShO qyzmetkerleriniń arasynan - 73, al merdiger mekemelerden - 1194 adam qaýipti indetti juqtyrǵan.
Sondaı-aq, koronavırýs ınfektsııasynan 806 adam jazylǵan. Qazir Teńiz kenishindegi ınfektsııalyq statsıonarda 208 adam jatyr.
Eske sala ketelik, buǵan deıin Atyraýda karantın shekteýi qaıta kúsheıtildi.