Teńiz kenishinde indetke shaldyqqandar sany artyp barady
«Atyraý oblysy epıdemıologııalyq ahýal boıynsha «qyzyl» aımaqta tur. Óńirde juqtyrǵan azamattardyń 60 paıyzy Teńiz munaı ken ornynda tirkelip otyr. Qazirgi tańda Teńizde syrttan kelgender men shyqqandardy skrınıngteý isi jalǵasýda. ıAǵnı test kóbeıip keledi. Qyrkúıek, qarasha men jeltoqsan aılaryn salystyrar bolsaq, aýrýdyń órship bara jatqany baıqalady. Sol sebepti Teńiz ken ornynda karantındi kúsheıtý sharalary engizildi. ıAǵnı qosymsha karantın, qosymsha testileý, shyǵý jáne kirý boıynsha qosymsha sharalara, vahtalyq kentter boıynsha qyzmetkerlerdiń kirip-shyǵýyna qoıylǵan qosymsha talaptar engizilýde», - dedi Aıjan Esmaǵambetova.
Onyń aıtýynsha, jeltoqsan aıynyń ózinde atalmysh munaı ken ornynda 600 adam indetke shaldyqqan.
Áıtse de, Aıjan Esmaǵambetovanyń aıtýynsha Teńizde jumys toqtamaıdy. Ol keltirgen aqparatqa sáıkes, «Teńizshevroıl» kompanııasynyń basshylyǵy arnaıy sharalar paketin ázirlegen.
«TShO basshylyǵy barlyq sharamen kelisip, ony iske asyrady. Qyzmetkerlerdiń PTR-testiden ótý kórsetkishi artady. Odan bólek, ken ornynan keterden bes kún buryn mindetti testileý, kire beriste mindetti karantın engizildi. Eń bastysy, jaǵdaıdy, vahtalyq qalashyqtaǵy karantın sharalarynyń saqtalýyn baqylap, ony TShO merdigerleri saqtaýy kerek», - dedi Aıjan Esmaǵambetova.