Teńiz kenishinde 9 kúnnen beri koronavırýs juqtyrýshylar tirkelgen joq

ATYRAÝ. QazAqparat – Atyraý oblysyndaǵy Teńiz kenishinde 9 kúnnen beri koronavırýs ınfektsııasyn juqtyrý jaǵdaılary tirkelgen joq, dep habarlaıdy QazAqparat.

Oblystyq Densaýlyq saqtaý basqarmasynyń baspasóz qyzmetinen málim etkendeı, 14 jeltoqsan kúni qaýipti vırýsty 6 adam juqtyrǵan. Onyń 4-eýi Atyraý qalasynda, 1-eýi Qurmanǵazy aýdanynda, taǵy 1-eýi Isataı aýdanynda anyqtalǵan.

«Qazir úı jaǵdaıynda 80 adam, ınfektsııalyq statsıonarlarda 77 naýqas (júkteme –18,3%) emdelý úshin jatqyzyldy. Onyń ishinde modýldik aýrýhanada – 58, aýdandardaǵy ınfektsııalyq statsıonarlarda – 14, Teńiz ken ornyndaǵy statsıonarda 5 naýqas emdelip jatyr. Infektsııalyq statsıonarlardyń jansaqtaý bóliminde jaǵdaıy aýyr 13 naýqas oqshaýlanǵan. Jaǵdaıy óte aýyr 3 patsıent ókpeni jasandy jeldetý apparatyna qosylǵan. Bul bólimdegi júkteme – 22,4%», - dep málim etti basqarmanyń baspasóz qyzmetinen.

Eske salaıyq, budan buryn Atyraý oblysynda koronavırýs juqtyrǵan 157 adam emdelip jatqanyn jazǵan edik.