Teńiz kenishinde 100 uńǵyma qazylady

ATYRAÝ. QazAqparat - Atyraý oblysynda Teńiz jáne Koroldik kenishterin ıgerýmen aınalysyp jatqan «Teńizshevroıl» JShS-nyń ókilderi 100 uńǵyma qazýdy josparlap otyr, dep habarlaıdy QazAqparat.

«100 uńǵyma qazý jospary engizilgen burǵylaý jumystarynyń baǵdarlamasy 2022 jylǵa deıin josparlanǵan. Baǵdarlama júzege asatyn bolsa, munaı óndirý kólemi 12 mln tonnaǵa artyp, 38-39 mln tonnaǵa jetedi. Qazirgi tańda kenishte nebári 130 uńǵyma qazylǵan. Al, óndirilgen ónim kólemi jylyna 26-27 tonnany quraıdy»,-dep habarlady «Teńizshevroıl» kompanııasynyń Úkimetpen jáne qoǵammen baılanys bóliminiń bas menedjeri Rzabek Artyǵalıev. 

Búgingi tańda «Teńizshevroıl» JShS-niń qatysýshylary qataryna Chevron (50%) jáne ExxonMobil Kazakhstan Ventures Inc (25%), «QazMunaıGaz» (20%). Sonymen qatar reseılik-amerıkalyq SP LUKArco (5%) kompanııasy bar. bul ujym 1993 jyldan beri jumys isteıdi.