Teńiz ken ornyndaǵy gaz Qazaqstannyń ishki naryǵyna baǵyttalady

ALMATY. QazAqparat- «Teńizshevroıl» kompanııasy óndiriletin barlyq gazdy Qazaqstannyń ishki naryǵyna jetkizýdi josparlap otyr, dep habarlaıdy QazAqparat tilshisi.

«Óndiriletin barlyq taýarlyq gaz endi ishki naryqqa baǵyttalady. ıAǵnı biz gazdy bir operatorǵa – «QazaqGaz» AQ jetkizemiz. Qazirdiń ózinde óndirgen gazdyń barlyǵyn solarǵa jóneltip jatyrmyz. Biz eksporttaýdy josparlap otyrǵan joqpyz», - dedi TShO-nyń úkimetpen jáne jurtshylyqpen baılanys bóliminiń bas menedjeri Dármen Aronov.

Eske salaıyq, byltyr Memleket basshysy gazdy eksporttaýǵa qaraǵanda, ishki qajettilikti qamtamasyz etýge basa mán berý kerektigin aıtyp, Úkimetten Teńiz ken orny aktsıonerlerimen birlesip 2 mlrd tekshe metr gazdy eksporttan ishki naryqqa baǵyttaý máselesin pysyqtaýdy tapsyrǵan bolatyn.

Buǵan deıin TShO-nyń bas dırektory Kevın Laıon 2022 jyly «Teńizshevroıl» JShS 30 mln-ǵa jýyq tonna shıki munaı óndirgeni týraly aıtqan bolatyn.