Teńiz ken ornynda karantındik shekteý sharalary kúsheıtildi
Bul týraly Jylyoı aýdanynyń bas sanıtar dárigeri T.Habıbýllınniń «Teńiz, Prorva, Morskoı ken oryndary aýmaqtarynda jáne Teńizge irgeles basqa da ken oryndarda koronavırýstyq ınfektsııa aýrýlarynyń aldyn alý jónindegi karantındik sharalardy kúsheıtý týraly» qaýlysynda aıtylǵan.
«Kólikte, keńselerde, ashanalarda (tamaq ishý ýaqytyn qospaǵanda), turǵyn bloktarda jáne basqa da jabyq óndiristik emes nysandarda betperde kııý tártibin oryndaýǵa, áleýmettik alshaqtyqty saqtaýǵa, obektilerde sanıtarııalyq-dezınfektsııalyq rejımdi qamtamasyz etýge qatysty epıdemııaǵa qarsy is-sharalardy jalǵastyrý, naýqastanýy sımptomsyz ótip jatqan ınfektsııa juqtyrǵan tulǵalardy baqylaýǵa arnalǵan oqshaýlaý obektilerinde karantın rejıminiń saqtalýy, vahtalyq kentterdegi karantındik bloktar jumysynyń SOVID-19 naýqastarymen baılanysta bolǵan adamdardy oqshaýlaýǵa arnalǵan talaptarǵa sáıkes jalǵasýy qamtamasyz etilsin», -delingen qujatta.
Qaýlyǵa sáıkes «Teńiz» ken ornyna bógde kólik quraldarynyń kirýine jáne shyǵýyna tyıym salynǵan. Іlespe qujattamasy joq jáne esebi, olardyń ótý ýaqyty, qozǵalys marshrýty jáne qajet bolǵan jaǵdaıda qaıtý ýaqyty tirkelmegen kólik quraldarynyń qozǵalysyna jol berilmeıdi.
Jańa qaýly qol qoıylǵan kúninen bastap kúshine enedi.
Eske sala ketelik, budan buryn Atyraý oblysyndaǵy Teńiz ken ornynda 500 adam koronavırýstan emdelip jatqanyn jazǵan bolatynbyz.