Teńiz ken ornynan qazan aıynda KQK termınaly arqyly 2,075 mln tonna munaı jóneltilgen

MÁSKEÝ. QazAqparat - 2018 jyldyń qazanynda «Kaspıı qubyr konsortsıýmy-R» AQ teńiz termınalynda  5 112 867 tonna (40 343 876 barrel) brýtto bolǵan. Bul byltyrǵy kórsetkishten 458 732 tonnaǵa (10 %)  kóp, dep habarlaıdy Máskeýdegi QazAqparat tilshisi Kaspıı qubyr konsortsıýmy-R» AQ baspasóz qyzmetine silteme jasap.

«Tıelgen 5 112 867 tonna munaıdyń  2 075 707 tonnasy - Teńiz ken ornynyń, 781 292 tonna - Qarashyǵanaq ken ornynyń, 414 477 tonna - Qashaǵan ken ornynyń, sondaı-aq 239 433 tonna basqa da qazaqstandyq óndirýshilerdiń munaıy. Qazan aıynda «KQK-R» AQ munaı ótkizý júıesi boıynsha reseılik júk jóneltýshiler 601 958 tonna brýtto eksporttady», - delingen habarlamada.

KQK teńiz termınalynda qańtar-qazanda 456 tanker tıelgen, onyń 48-i - qazanda jiberilgen.

KQK qubyr júıesi - TMD aýmaǵyndaǵy sheteldik kapıtaldyń qatysýymen energetıka salasyndaǵy iri ınvestıtsııalyq jobalardyń biri. Teńiz-Novoreseı qubyrynyń qashyqtyǵy 1 511 shaqyrymdy quraıdy.

KQK aktsıonerleri: Reseı (Transneft - 24% jáne KTK Kompanı - 7 %) - 31%; Qazaqstan (Qazmunaıgaz - 19% jáne Kazakhstan Pipeline Ventures LLC - 1,75%) - 20,75%; Chevron Caspian Pipeline Consortium Company - 15%, LUKARCO B.V. - 12,5%, Mobil Caspian Pipeline Company - 7,5%, Rosneft-Shell Caspian Ventures Limited - 7,5%, BG Overseas Holding Limited - 2%, Eni International N.A. N.V. - 2% jáne Oryx Caspian Pipeline LLC - 1,75%.