Teńgeniń aldaǵy dınamıkasy qandaı jaǵdaılarǵa baılanysty bolmaq

<p>ASTANA. KAZINFORM &ndash; Ulttyq bank teńgerimsizdikti boldyrmaıtyn ıkemdi baǵam belgileý rejımin ustanady. Bul týraly búgin Úkimet otyrysynda Ulttyq bank tóraǵasy Tımýr Súleımenov aıtty.</p>

- Qarashada teńgeniń aıyrbas baǵamy birqatar faktorǵa baılanysty 1 dollar úshin 512,52 teńgege deıin, ıaǵnı, 5 paıyzǵa álsiredi. Dollardyń jahandyq nyǵaıýy shıkizattyq taýarlar bazasynyń ózgerýi jáne geosaıası jaǵdaıdyń shıelenisýi aıasynda álemde damýshy naryqtar valıýtalarynyń álsireýi baıqaldy. Elimizdiń negizgi saýda seriktesteriniń biri – Reseıdiń qarjy sektoryna qarsy jańa sanktsııalardyń engizilýinen rýbldiń álsireýi jedeldedi. Іshki valıýta naryǵynda ekonomıkalyq agentterdiń shetel valıýtasyna suranysynyń artýy ján usynystyń azaıýy, sonymen qatar aıyrbas baǵamynyń psıhologııalyq deńgeıinen asyp ketýi boldy, - dedi Tımýr Súleımenov.

Onyń atap ótýinshe, birqatar faktordyń nasharlaýyna baılanysty turaqsyzdyqty boldyrmaý, aıyrbastaý baǵamynyń shamadan tys qubylmalyǵyn retteý jáne shetel valıýtasynyń usynysyn qamtamasyz etý maqsatynda qarasha aıynyń 15-28 kúnderi aralyǵynda Ulttyq bank valıýtalyq ınterventsııalar ótkizdi.

- Teńgeniń munan keıingi dınamıkasy tólem balansyna, naryqqa qatysýshylardyń kútýlerine, álemdik naryqtardaǵy jaǵdaıǵa jáne geosaıası jaǵdaıdyń ózgerýine baılanysty bolady. Ulttyq bank teńgerimsizdikti boldyrmaıtyn ıkemdi baǵam belgileý rejımin ustanatyn bolady, - dedi ol.