Teńge tııanaqtalǵan baǵamǵa oralýy múmkin be – UB basshysy jaýap berdi

<p>ASTANA. KAZINFORM &ndash; Ulttyq bankte ótken brıfıngide Tımýr Súleımenov BAQ ókiliniń &laquo;Teńge tııanaqtalǵan baǵamǵa qaıta oralýy múmkin be?&raquo; degen suraǵyna jaýap berdi.&nbsp;</p>

— Biz eshqandaı tııanaqtalǵan baǵamǵa oralý sharasyn qolǵa alǵaly jatqan joqpyz. Bul – múldem jańsaq paıym ári burys jol. Biz kez kelgen ekonomıstiń nemese qarjygerdiń mundaı pikiri bolýy múmkin ekenin joqqa shyǵarmaımyz, sebebi bul saladaǵy monopolıst emespiz. Alaıda bizdiń kózqarasymyz boıynsha, bul baǵyt durys emes. Onyń sońy uzaqmerzimdi ekonomıkalyq zardaptarǵa soqtyrady, - dedi Ulttyq bank basshysy.

Sondaı-aq Tımýr Muratuly bul ustanymnyń durystyǵyn QR Prezıdenti de aıtqanyn atap ótti.

— Memleket basshysy óz suhbatynda («Ana tili» gazetine bergen – red.) Qazaqstannyń ashyq ári naryqtyq ekonomıkasy úshin teńgeniń erkin aǵymda bolýy tepe-teńdikti saqtaýdyń jalǵyz joly ekenin naqty atap kórsetti, - dedi ol.

Aıta keteıik, búgin Ulttyq bank bazalyq mólsherlemege qatysty málimdeme jasady.

Tımýr Súleımenov ne sebepti bazalyq mólsherlemeni 15,25% deńgeıinde saqtaý týraly sheshim qabyldanǵanyn túsindirdi.