Teńge men rýbl arasynda tikeleı aıyrbas baǵamy qalaı rettelmek
«Reseı rýbline qatysty aıyrbastaý baǵamy teńge men rýbldiń AQSh dollaryna qatysty jeke-jeke ózgerýine tikeleı baılanysty. AQSh dollaryna qatysty teńge men rýbl arqyly eseptelgen krossbaǵamnan erekshelenetin rýbl-teńge baǵamyn jasandy túrde belgileý avtomatty túrde tórelik jáne valıýta naryǵyndaǵy alypsatarlyq shabýyldar úshin jaǵdaı jasaıdy. Baǵamdy usynylǵan deńgeıde jasandy túrde ustap turý altynvalıýta rezervteriniń tez taýsylýyna qaýip tóndiredi, bul eldiń makroekonomıkalyq turaqtylyǵyn tolyǵymen buzady», - dedi ol Májilis depýattarynyń saýalyna bergen jaýabynda.
Onyń atap ótinshe, ulttyq valıýta baǵamyn qandaı da bir deńgeıde belgileý qysqa merzimdi sheshim bolyp sanalady. Óıtkeni rezervter taýsylǵannan keıin aıyrbastaý baǵamy ádil deńgeıge qaıta oralady. Osyǵan baılanysty ulttyq valıýta baǵamymen qandaı da bir aıla-sharǵy jasaý jáne rýblmen nemese kez kelgen basqa valıýtamen kross-baǵamǵa yqpal etý maqsatyndaǵy ákimshilik sharalar qajetti nátıjege alyp kelmeıdi.
«Rýbl syrtqy naryqtarda ótimdi valıýta bolyp tabylǵandyqtan, Qazaqstannyń kompanııalary rýblge Reseı Federatsııasyndaǵy taýarlardy nemese syrtqy naryqta dollardy kedergisiz satyp ala alady. Rýbl-teńge baǵamynyń aǵymdaǵy naryqtyq deńgeıi jergilikti óndirýshiler taýarlarynyń básekege qabilettiligi úshin qolaıly jaǵdaı jasap, 3 ishki óndiristi damytýǵa alǵysharttar belgileıtinin atap ótken jón. Jalpy alǵanda, baǵamdy baǵalarǵa aýystyrý tıimdiligin tómendetý úshin Úkimettiń ekonomıka salalaryn qoldaýy jáne ishki naryqty otandyq óndiris taýarlarymen tolyqtyrýǵa baǵyttalǵan sharalardy júzege asyrýy arqyly eldiń ımportqa joǵary táýeldiligi problemasyn qurylymdyq sheshý qajet», - dedi Ǵalymjan Pirmatov.